II Asemblea Ciudadana de Podemos

Tamos d’asemblea… ¡participa! Los díes 11 y 12 de febrero del 2017 va ciarrase’l proceso de debate y votación de documentos, candidatures y aportaciones qu’acabamos d’empicipiar.

Tres d’un ciclo electoral llargu y atacáu de convocatories d’ámbito estatal, autonómicu, foral y municipal, Podemos foi a consolidar una gran audiencia na sociedá, multiplicó’l númbero de persones inscrites, recibió un apoyu electoral bien importante, situóse como fuercia alternativa al PP y tien un pesu político determinante nel panorama actual.

Pero, tal como dixemos tres del excelente resultao de les elecciones europees, lo anterior nun abasta. Porque Podemos nació como ferramienta para impulsar el CAMBEO con mayúscules. Por eso, el principal obxectivo de la nuestra II Asemblea Ciudadana ye axustar a la nueva situación la nuestra orientación política y el nuestru modelo organizativu, pa defender meyor los intereses de la mayoría social, avanzar contra la igualdá, abrir calce a la participación activa de la xente nos asuntos públicos, acabar coles polítiques d’austeridá, algamar la democratización política, desagospedar al PP de La Moncloa y construír una alternativa de gobierno al serviciu del nuestru pueblu.

Nesta páxina web vais alcontrar la información, les indicaciones y los documentos necesarios pa poder facelo. Esperamos que sea útil y, sobremanera, ¡invitámosvos a participar activamente nesti proceso crucial de deliberación, toma de determinos y futuro!

Programa de l’asemblea presencial en Palacio de Vistalegre

 

Equipu Técnicu

Lorena CabrerizoLorena Cabrerizo
Lorena Cabrerizo Sanz (Madril, 1975) ye llicenciada en Ciencies Económiques pola Universidá Complutense de Madril. Trabaya n’ámbito de la consultoría y de la evaluación de proxectos y programas de cooperación internacional pal desenvolvimientu y la intervención social. Ye responsable del Área de Movimientos Sociales y Acción Sindical nel Conseyu Ciudadanu de Podemos Comunidá de Madril.
Pedro De PalacioPedro De Palacio
Pedro De Palacio Maguregui (Bilbao, 1985) ye llicenciáu n’Historia y miembru del Área de Participación de Podemos.
Juanma Del OlmoJuanma Del Olmo
Juanma Del Olmo Ibáñez (Soria, 1982) ye consultor TIC y Secretariu Xeneral adxuntu del Grupu Parllamentariu d’Unidos Podemos – En Comú Podem – En Marea nel Congreso de los Deputaos.
Ana DomínguezAna Domínguez
Ana Domínguez Rama (Plasencia, 1980) ye DEA n’Historia Contemporánea pola Universidá Complutense de Madril y máster n’Edición pola Universidá Autónoma de Barcelona. Ye editora, correctora profesional y responsable del Área d’Edición y Traducciones nel Conseyu Ciudadanu Estatal de Podemos.
Pablo EcheniquePablo Echenique
Pablo Echenique Robba (Rosario, L’Arxentina, 1978) ye doctor en Ciencies Físiques pola Universidá de Zaragoza y Científicu Titular del CSIC n’excedencia temporal. Ye’l Presidente del Grupu Parllamentariu de Podemos n’Aragón, Secretariu Xeneral de Podemos Aragón y Secretariu d’Organización Estatal. Nel so perfil de Twitter describe’l so trabayu con una frase d’Italo Calvino: «Buscar y intentar reconocer quién y qué, en medio l’infierno, nun ye infierno. Pa facelo durar, y da-y espacio».
Manolo GaríManolo Garí
Manuel Garí Ramos (Manuel, Valencia, 1947) ye llicenciáu en Ciencies Económiques pola Universidá Complutense de Madril y especialista en modelos productivos sostenibles. Ye cofundador del Círculo Economía, Ecoloxía y Enerxía (3E) y miembru del Área d’Economía de Podemos.
Fabiola MecoFabiola Meco
Fabiola Meco Tébar (Albacete, 1971) ye doctora en Derecho y avogada especializada en familia. Ye deputada por Valencia nes Cortes Valencianes y responsable de la Secretaría de Relaciones cola Sociedad Civil y Movimientos Sociales nel Conseyu Ciudadanu de Podem Comunitat Valenciana.
Sergio PascualSergio Pascual
Sergio Pascual Peña (Sevilla, 1977) ye inxenieru de Telecomunicaciones y llicenciáu n’Antropoloxía Social. Ye funcionariu del Cuerpo Superior Facultativu d’Inxenieros de la Xunta d’Andalucía, foi delegáu del Sindicato Andaluz de Trabajadores (SAT) y Presidente de la Comisión de Fomento del Congreso de los Deputaos.
Clara SerraClara Serra
Clara Serra Sánchez (Madril, 1982) ye llicenciada en Filosofía, máster n’Estudios Avanzaos de Filosofía y máster n’Estudios Interdisciplinares de Xénero. Ye profesora de Filosofía n’Educación Secundaria y Bachillerato, y colaboradora honorífica na Universidá Complutense de Madril. Ye responsable del Área d’Igualdá, Feminismos y Sexualidaes nel Conseyu Ciudadanu Estatal de Podemos y deputada na Asemblea de Madril.
Idoia VillanuevaIdoia Villanueva
Idoia Villanueva Ruiz (Pamplona, 1980) ye inxeniera informática pola Universidá del País Vascu y máster en Xestión y Administración d’Innovación pola Universidá Autónoma de Madril. Ta especializada y ye activista n’ámbito de les relaciones internacionales y de la infancia. Ye senadora por Navarra y Secretaria Xeneral del Grupu Parllamentariu d’Unidos Podemos – En Comú Podem – En Marea nel Senao.

Sistema de votación

Debatiemos muncho sobre cuál yera’l meyor sistema de votación y, a la fin, les inscrites y los inscritos decidiemos, ente les distintes propuestes presentaes, la que queríamos pa l’Asemblea. La que tuvo más apoyu foi EsBorda, ideada por Pablo Echenique.

EsBorda (sistema Echenique)

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies